عام انتخابات نیو ڈیجیٹل مردم شماری کی بنیاد پر ہوں گے احسن اقبال

 اسلام آباد: (نیوز پوائنٹ) وزیر ترقی و منصوبہ بندی احسن اقبال نے کہا کہ ملک میں اگلے عام انتخابات اکتوبر 2023 میں ساتویں (ڈیجیٹل مردم شماری) کے ذریعے بنائے گئے ڈیٹا کی بنیاد پر ہوں گے۔

ساتویں آبادی اور گھریلو مردم شماری کے لیے ماسٹر ٹرینرز کی تربیت کی افتتاحی تقریب سے خطاب کرتے ہوئے احسن اقبال نے کہا کہ حکومت اس اہم ترین مشق پر تقریباً 34 ارب روپے لگائے گی جس سے اقتصادی پالیسیاں بنانے اور تمام اسٹیک ہولڈرز کے درمیان وسائل کی منصفانہ تقسیم کو یقینی بنانے میں مدد فراہم ہو گی۔

انہوں نے کہا کہ حکومت (نادرا) کو 13.5 بلین روپے فراہم کر رہی ہے، جو ڈیجیٹل حل کا کام کرے گی، انہوں نے مزید کہا کہ یہ پہلی ڈیجیٹل مردم شماری ہوگی جس سے اس عمل کو جلد مکمل کرنے میں مدد ملے گی۔

انہوں نے کہا کہ انٹرنیٹ کوریج سے باہر علاقوں کے لیے ایک آف لائن ڈیٹا اکٹھا کرنے کا نظام بھی لا رہے ہیں۔انہوں نے مزید کہا کہ اس مردم شماری سے اس بات کا بھی پتہ چلے گا کہ آبادی بڑھ رہی ہے یا کم ہو  رہی ہے۔

وزیر کا کہنا تھا کہ مردم شماری ایک آئینی ذمہ داری ہے جس کی بنیاد پر حکومت قومی مالیاتی کمیشن ایوارڈ کا تعین کرتی ہے اور تمام علاقوں کی منصفانہ ترقی کے لیے قومی وسائل کی تقسیم میرٹ پر کرتی ہے۔

احسن اقبالکا مزید کہنا تھا کہ پاکستان  تیزی سے آبادی میں اضافہ کرنے والے ممالک کی فہرست میں شامل ہے۔ انہوں نے کہا کہ آبادی میں اضافے کی وجہ سے بنیادی شہری سہولیات جیسے تعلیم، صحت اور پینے کے صاف پانی کی دستیابی میں کمی آ رہی ہے وہیں پانی اور زرعی زمین میں موجود  دستیابی بھی واضح کمی ہو رہی ہے۔

انہوں نے کہا کہ مقامی آبادی کا ایک بہت بڑا حصہ نوجوانوں پر مشتمل ہے اگر ہم انہیں ملک کی معاشی ترقی کے لیے مناسب تعلیم اور ہنر فراہم کر سکیں تو یہ ایک بہت بڑی نعمت ہے ۔

انہوں نے کہا کہ اس دوران بڑھتی ہوئی آبادی اس قومی تقسیم کو انتہا پسندی کی طرف دھکیل دے گی اور وسائل اور چیلنجز کے درمیان توازن پیدا کرنے پر زور دینا ہو گا۔وزیر نے کہا کہ معاشی استحکام راتوں رات ممکن نہیں ہوتے انہوں اس کے لیے مناسب وقت، پالیسیوں اور سیاسی استحکام میں تسلسل برقرار رکھنا درکار ہے۔