پنجاب میں ڈینگی کے 86 نئے کیسز سامنے آگئے۔

 لاہور - صوبے میں جمعہ کو ڈینگی بخار کے 86 نئے کیسز رپورٹ ہوئے اور گزشتہ 24 گھنٹوں کے دوران وائرس سے کوئی موت نہیں ہوئی۔ محکمہ صحت کے مطابق رواں سال کے دوران اب تک ڈینگی وائرس کے مجموعی طور پر 18 ہزار 422 کیسز رپورٹ ہوچکے ہیں جب کہ وائرس سے 45 افراد جاں بحق اور 473 مریض صوبے کے مختلف اسپتالوں میں زیر علاج ہیں۔

محکمہ پرائمری اینڈ سیکنڈری ہیلتھ کئیر پنجاب کے مطابق گزشتہ 24 گھنٹوں کے دوران لاہور میں ڈینگی کے 22، ملتان میں 3، راولپنڈی میں 12، گوجرانوالہ میں 4، فیصل آباد میں 2 اور ساہیوال اور گجرات میں ایک ایک کیس رپورٹ ہوا۔ تمام مشتبہ کیسز کو نگرانی میں رکھا گیا ہے اور ان کے ٹیسٹ کیے جا رہے ہیں۔ انسداد ڈینگی سکواڈ نے جاری نگرانی کے دوران صوبے میں 1451 مقامات پر ڈینگی لاروا تلف کیا۔ اسکواڈ نے گزشتہ 24 گھنٹوں کے دوران 414,371 انڈور اور 110,392 آؤٹ ڈور مقامات پر ڈینگی لاروا کا پتہ لگانے کے لیے نگرانی کی۔