بلوچستان میں سیکیورٹی فورسز نے کارروائی کرتے ہوئے 10 دہشت گردوں کو جہنم واصل کر دیا ۔

-


 راولپنڈی (نیوز پوائنٹ) سکیورٹی فورسز نے بلوچستان کے ہوشاب کے جنرل علاقے میں انٹیلی جنس بیسڈ آپریشن (آئی بی او) کے دوران دس دہشت گردوں کو جہنم واصل اور ایک کو  زندہ گرفتار کر لیا،منگل کے دن فوج کے میڈیا ونگ کی جانب سے یہ خبر شائع ہوئی ۔

انٹر سروسز پبلک ریلیشنز (آئی ایس پی آر) کے مطابق، آئی بی او نے گوادر-ہوشاب (M-8) روڈ پر دیسی ساختہ بم نصب کرنے کے ساتھ سیکیورٹی فورسز اور شہریوں کو نشانہ بنانے والے فائرنگ کے مختلف واقعات سے منسلک دہشت گردوں کے ٹھکانے کو صاف کرنے کے لیے کیا گیا تھا۔

 سیکورٹی فورسز  دہشت گردوں کے مقام کی نشاندہی کرنے کے بعد بلاک کرنے کے لیے پوزیشنیں لے رہی تھیں کہ اسی دوران دہشت گردوں نے سیکورٹی فورسز پر حملہ آور ہو کر فائرنگ شروع کردی ۔

"فائرنگ کے شدید تبادلے کے دوران، 10 دہشت گرد مارے گئے  جبکہ ایک دہشت گرد کو زخمی حالت میں گرفتار کر لیا گیا۔ (آئی ایس پی آر )نے کہا کہ دو دہشت گرد فرار ہونے میں بھی کامیاب ہو گئے۔

فوج کے میڈیا ونگ نے مزید کہنا تھا  کہ علاقے میں ان کا سراغ لگانے کے لیے آپریشن جاری رہے گا اور اسلحے اور گولہ بارود کا ایک بڑا ذخیرہ بھی برآمد کیا گیا ہے جس میں آئی ای ڈیز بھی شامل ہیں۔

تبصرے

ایک تبصرہ شائع کریں

اس بلاگ سے مقبول پوسٹس

وزیراعظم کے صاحبزادے سلیمان شہباز پاکستان پہنچ گئے

-
تصویر
 راولپنڈی:(نیوز پوائنٹ)وزیر اعظم شہباز شریف کے بیٹے سلیمان شہباز چار سال خود ساختہ جلاوطنی گزارنےکے بعد کل رات پاکستان واپس پہنچ گئے ۔اسلام آباد ہائی کورٹ نے وزیراعظم کے بیٹے سلیمان شہباز کی 13 دسمبر تک حفاظتی ضمانت منظور کی تھی۔ سلیمان شہباز اکتوبر 2018 میں بیرون ملک چلے گئے تھے جس کے بعد ان کے خلاف مبینہ منی لانڈرنگ کا مقدمہ درج کیا گیا۔ بعد ازاں وہ خود ساختہ جلاوطنی میں بیرون ملک رہائش پذیر ہو گئے ۔ 8 دسمبر کو سلیمان شہباز نے اپنے وکیل کے ذریعے ہائی کورٹ میں درخواست دائر کی کہ وہ اپنی جلاوطنی ختم کر کے وطن واپس آ کر عدالت کے سامنے ہتھیار ڈالنا چاہتے ہیں ۔ عدالت نے ان کی درخواست منظور کرتے ہوئے وفاقی تحقیقاتی ادارے اور دیگر اداروں کو 13 دسمبر تک سلیمان شہباز کی گرفتاری سے روک دیا۔ سلیمان شہباز عمرہ کی ادائیگی کے لیے سعودی عرب میں تھے۔   سلیمان شہباز نے11 دسمبر کو  سعودی ایئر لائن کی پرواز نمبر 726 میں بکنگ کی۔ ذرائع نے بتایا کہ سلیمان شہباز اپنے ساتھ  سامان کے دو تھیلے لے کر بزنس کلاس پہنچے۔
مزید پڑھیں

اسلام آباد ہائی کورٹ نے ایف آئی اے کو سلیمان شہباز کی گرفتاری سے روک دیا۔

-
تصویر
 اسلام آباد (نیوز پوائنٹ) ہائی کورٹ نے منی لانڈرنگ کیس میں وفاقی تحقیقاتی ادارے (ایف آئی اے) کو موجودہ وزیراعظم  پاکستان شہباز شریف کے بیٹے سلیمان شہباز کی گرفتاری سے روک دیا۔ اسلام آباد ہائیکورٹ کے چیف جسٹس عامر فاروق نے یہ حکم سلیمان شہباز  کی جانب سے دائر درخواست کی سماعت کے دوران  کیا جس میں کیس میں حفاظتی ضمانت کی درخواست منظور کی گئی کیونکہ وہ اپنی خود ساختہ جلاوطنی ختم کرکے پاکستان واپس آنا چاہتے ہیں ۔ سماعت کے دوران وزیراعظم کے بیٹے کے وکیل امجد پرویز نے عدالت کو بتایا کہ ان کے موکل 11 دسمبر کو سعودی عرب سے اسلام آباد کے لیے آئیں گے۔ جس پر چیف جسٹس نے ملزم  سلیمان شہباز کو 13 دسمبر تک عدالت میں پیش ہونے کا حکم دے دیا۔ ایک دن پہلے، سلیمان شہباز نے ہائی کورٹ سے حفاظتی ضمانت  کے لیے اپیل دائر کی تھی اور دلیل دی کہ ان کے خلاف منی لانڈرنگ کا جھوٹا مقدمہ درج کیا گیا تھا۔ "اس حقیقت کے باوجود کہ میں 27 اکتوبر 2018 سے یو کے میں رہائش پذیر ہوں، مجھے ایف آئی اے کی طرف سے کبھی کوئی نوٹس نہیں موصول ہوا۔ میں نے 2018 میں ملک چھوڑا، لیکن مقدمہ کا اندراج 2020 اور اس...
مزید پڑھیں

الیکشن کمیشن نے فیصل واڈا کو سینیٹر کے عہدے پر بحال کر دیا

-
تصویر
 اسلام آباد:(نیوز پوائنٹ)الیکشن کمیشن آف پاکستان  نے جمعرات کو سینیٹر نثار احمد کھوڑو کی کامیابی کا نوٹیفکیشن واپس لیتے ہوے سابق وفاقی وزیر فیصل واڈا کو سینیٹر کے عہدے پر بحال کر دیا ۔ الیکشن کمیشن نے سپریم کورٹ کے احکامات کے مطابق،فیصل واوڈا کو سینیٹ سے ہٹانے کا حالیہ نوٹیفکیشن واپس لے لیا، اور 10 مارچ 2021 کا نوٹیفکیشن بحال کرتے ہوے انہیں واپس آنے والا امیدوار قرار دے دیا۔ لیکن یہ سب ایک قلیل المدتی عہدہ ہو گا کیونکہ فیصل واوڈا سپریم کورٹ کو دیے گئے وعدے کے تحت استعفی دے دیں گےجس کے بعد نئے انتخابات کی راہ ہموار ہو گی۔ اس سے پہلے الیکشن کمیشن نے پیپلز پارٹی کے سید وقار مہدی کو سندھ سے سینیٹ کی نشست پر واپس آنے والے امیدوار کے طور پر مطلع کیا تھا۔ یہ نشست اسی پیپلز پارٹی کے مصطفی نواز کھوکھر کے استعفیٰ کے بعد خالی ہوئی تھی۔
مزید پڑھیں